Skip to main content
Mamamayang binaon sa limot

Sila na ang buhay ay karugtong ng lupa
Nagsumikap buhay ay mapaunlad
Kahit kinalimutan ng estadong
Siyang nararapat mangangalaga

Maraming beses na inalispusta
Sa lipunan itinatwa
Sila daw ay mangmang at walang alam
Kaya't lupain kinamkam
At buhay man kinitilan

Sila na ang buhay ay karugtong ng lupa
Pilit bumabangon
At namuhay ng payak at may dignidad
Kahit sa limot pilit binabaon

Sa loob ng kanilang mga kumunidad
Na ilang henerasyon 
Minana sa kanilang mga ninuno
Kultura, tradisyon, panininwala
At sariling pagpapasya ay nilagom

Subalit,

Sila na ang buhay ay karugtong ng lupa
Pilit hinihiwalay
Ng mga armado at militar
Maging ng mga batas na nagtatanggal
Sa kanilang pagkakakilanlan at karapatan
Sa kanilang lupaing ninuno.

Darating ang araw
Sila na ang buhay ay karugtong ng lupa
Ay babalikawas sa kinalugmukan
Kamao ay itaas
At lalaban
Sa mapang- api at mangangamkam.

*Ang tulang ito ay kabahagi sa "Anthology of Rage: Lumad, Poems and Stories", isang koleksyon ng mga tula at kwento alay sa mga Lumad ng Mindanao na nakakaranas ng militarisasyon sa loob ng kanilang mga lupaing ninuno.


Labels:

Comments

Post a Comment

Popular posts from this blog

Oda sa mga lumisan na kaibigan

Puso’y nanimdim Diyata’t mga kaibigan Sa mundo ng mga buhay Unti-unting lumisan Una,si Tatay Boning Di tunay na ama Subalit sa akin Nais maging… Pangalawa,si Manong Jun Katulad ni Tatay Boning Isang inspirasyon Sa mga katulad ko At marami pang iba Nais makibaka magkaroon Ng mundong masagana, Mapayapa at Malaya Ngayon, si Bai Helen Isang ina at asawa Iilang beses lamang nakasalamuha Ngunit naaninag ko na Katapatan, mababang kalooban At matiim na paniniwala sa kanyang maylikha Pinaubaya sa amin kanyang tahanan Naging pugad ng pagmamahalan at pundasyon Ng kanyang pamilya Kay ikli ng panahon Kayo ay naging bahagi ng buhay Parehong iginupo ng kanser Inyong mga katawang lupa Subalit kayo ay nanatiling matatag Hindi alintana sariling sakit Upang inyong mahal sa buhay Gabayan kahit sa gitna ng dalamhati Sa inyo,mga kaibigan Isang ma...
Post a Comment
Read more

Last Autumn Bloom

Woke up to a chilly morning As night and day seemed to tug at each other Peered through the frosty window pane There in the flickering light of autumn dawn A lone white rose is in bloom… 13 october 2010  Alkmar,Netherlands
3 comments
Read more

Masalay

Masalay,Ampatuan,Maguindanao Malaparaiso ka kung tingnan Napapalibutan ng luntiang kabundukan Datapwat kabahagi ka rin Ng lupaing ninuno ng mga tribung Teduray-Lambangian Napakalawak ng abot ng paningin Habang nakatayo sayong bulubundukin Tila hinihele sa mapang-akit na sayaw ng mga talahib At malamig na samyo ng hangin- Subalit noong Nobyembre 23,2009 Pinunit ang iyong katahimikan- Ng mga hiyaw at palahaw ng pagsusumamo Ng ratatat ng mga makapangyarihan na armas Ng mga saksak na tumatagos sa malambot na laman Na hatid pawang walang kasintinding sakit At kamatayan Katawan dito. Katawan doon. Ng mga peryodista,brodkaster,mamahayag,abogado, ina,ama,asawa,kapatid at anak Walang awang pinagtatapon. Ibinaon. Karumal-dumal na krimen Pilit pinagtakpan Ng mga buwitreng Nag-aastang panginoon Kaya- Paano ko titingnan Ang iyong kabundukan Na hindi marinig alingawngaw Kanilang mga hiyaw? Paano maibalik Dating kata...
Post a Comment
Read more